“Ауыл тарихын яҙам”

Баймаҡ биләмә-ара үҙәк китапханаһында крайҙы өйрәнеүселәр, Баймаҡ районы ауылдары тарихына арналған китап авторҙары ҡатнашлығында “Ауыл тарихын яҙам” тип аталған түңәрәк өҫтәл үтте. Ул Йәнтөйәк өсөн файҙалы эштәр йылы һәм Баймаҡ биләмә-ара үҙәк китапханаһы иғлан иткән крайҙы өйрәнеү аҙналығы сиктәрендә ойошторолдо. Уның барышында Баймаҡ районы муниципаль район хакимиәтенең мәҙәниәт буйынса бүлек етәксеһе Гөлназ Йыһаншина ҡатнашты. Авторҙарҙы фойела ауыл тарихын яҙған авторҙарҙың китаптары күргәҙмәһе ҡаршы алды.