Алыҫ йылдар шаңдауы

Репрессия… Был йән өшөткөс һүҙҙе әйтеү менән йөрәк тетрәнә, халҡымдың яҡты киләсәге өсөн йәнен-тәнен аямаған Ватансыл рухлы ил балаларының әсе яҙмышы күҙ алдына килеп баҫа.
Аҡморон ауыл китапханаһында мәҙәниәт мөдире Фаягөл Рәүис ҡыҙы Таулыҡаева менән берлектә тарихи оло ваҡиға – Сәйәси золом ҡорбандарын иҫкә алыу көнөнә арналған “Алыҫ йылдар шаңдауы” исемле хәтер кисәһе үтте. Кисәгә ғаиләһе менән Иркутск өлкәһе Черемхово ҡалаһына һөргөнгә ебәрелгән Хәмитов Ғәбделсабир Хәләф улының ҡыҙҙары Әлифә, Хәҙисә, Зәлифә апайҙар саҡырылды. Кисәлә ҡатнашыусыларҙың һәр береһе үҙҙәренең ғаилә хәлдәрен әсенеп, хәтергә алып, ата-әсәләренең, тыуғандарының яҙмыштары тураһында һөйләнеләр.Уларҙың яҡты иҫтәлектәрен 1 минутлыҡ тынлыҡ менән иҫкә алдыҡ.