Һәр ваҡыт әҙер

ҺӘР ВАҠЫТ ӘҘЕР!

Бер ҡанатлы һүҙ онотолмай,
Гелән генә минең иҫтәлер.
“!Һин әҙерме өлгө булырға?”
Беҙҙең яуап:ҺӘР ВАҠЫТ ӘҘЕР!

Ҡыҙыл галстук ут төҫөндә ине,
Түшебеҙҙә булды значок.
Һәр бер ерҙә һәр саҡ әҙер инек,
Һәр ваҡытта булдыҡ “знаток.”

Октябряттәр беҙҙән өлгө алһа,
Комсомолец-үрнәк булғандыр.
“Пионер!Әҙер бул!” ошо девиз
Беҙҙе дәртләндереп торғандыр.

Пионер саҡтар һис тә онотолмай,
Мин бәхетле-булдым ПИОНЕР!
Тормошомда булған һынауҙарға,
Мин бирешмәм!Сөнки МИН ӘҘЕР!
ФӘНИЛӘ ЙӘНДӘҮЛӘТОВА.