“Иң яҡшы сара” смотр – конкурсына йомғаҡтар яһалды

Баймаҡ биләмә–ара үҙәк китапханаһында район китапханасылары кәңәшмәһе үтте. Бында яҙғы һәм йәйге эштәргә йомғаҡ яһалды һәм киләсәккә эш пландары, саралар теҙмәһе билдәләнде.
Баймаҡ районының ауыл китапханалары араһында иғлан ителгән “Иң яҡшы сара” смотр – конкурсына йомғаҡтар яһалды һәм еңеүсе китапханалар бүләкләнде.
“Халҡыбыҙҙың рухи ҡомартҡылары” номинацияһында Һаҡмар ауылы китапханаһы һәм Ниғәмәт ауылы модель китапханаһы еңеүсе тип табылды.
«Тыуған ерем – алтын бишек» номинацияһында 1-се урынды – Аҡморон, 2-се урынды – Түбә һәм өсөнсө урынды Ҡуянтау ауылы китапханалары яуланы. “Йәнле ҡурсаҡтар“ номинацияһында Күсей ауылы китапханаһына етеүсе булманы.
“Йәнтөйәктең аҫыл уңғандары” номинацияһында урындар түбәндәгесә билдәләнде: 1–се урынға Юлыҡ ауылы китапханаһы сыҡты. 2-се урынды Күгиҙел һәм Өмөтбай ауылы китапханалары бүлешһә, 3-сө урынды иһә Ишмөхәмәт ауылы алды.
«Иң яҡшы сценарий авторы» тип Ишбирҙе ауылы китапханаһы китапханасыһы Теләүсина Г.М. табылһа , «Иң оҫта ойоштороусы» тип Билал ауылы китапханаһы китапханасыһы Булатова Р.Э. билдәләнде